Avdemsbue

Avdemsbue er ein landhandel med røter attende til 1878. Dagens butikklokale er frå 1938, og hadde ikkje innlagt vatn da eg overtok drifta i 2015. Da var eg 24 år, lei av å studere og med stor skapartrong. Eg ville skapa noko eige, basert på familieverksemda som foreldra mine hadde drive sidan 2005; Avdem Gardsysteri.

Eg visste godt at eg måtte tilby noko meir enn våre eigne ostar, det måtte vera full pakke. Du veit den butikken du går i når du skal kosa deg i helga, når du treng ei gave eller rett og slett er matei. Lokalmat med noko attåt, på eit vis. Draumen vart sann, og etter å ha drive butikken i fire år utan vatn og toalett, vart det andre boller. 6. Juli 2019 opna vi eit osteforma tilbygg teikna av Ram Arkitektur. Lesja Byggservice med fleire lokale entreprenørar bygde oss ein ostekafe med utsikt utover dalen og kulturlandskapet. Her kan du nyte ein cappuccino på gardsmjølk eller ein steinovnspizza med Avdemsost og lokal spekeskinke. Velkomen!

Helsing

avdemsbue-stempel-01

Anna Haugstad Avdem, gründer og butikksjef
Kåra til Årets landlege spire i 2015

Opningstider

Måndag-fredag 10-17
Laurdag-søndag 11-17

Kjøkenet stenger ein halvtime før alle dagar

Nokre av våre leverandørar: